سلام اهل الدار . . . . آه,,, آه ....آه من زمني الخاااائن

ماما جرحني المـــــــــــــنديل .. وزمني الخاااااااااااائن

تتعاقب الاجيال على المنتديات فلا تجد جيل يحمل فكر جيل ولا اسلوب جيل ولكن هذه سنة الله في الخلق ويذهب رجال لهم بصمات في صنع البوردات كرعينهم مكتحة بالتراب وسراويلهم بالدكة مربوطات ,,,, ثم ياتي زمان ,,, وزمان .... وزمان يطل منه العجب ونشاهد المنديل جرحني ,,, وناس ووووواي ,,, وعليكم الله ما تشدوني كفاي ,,, وتتمحلس الكلمات ,,,, وتضيع لعبة الفات الفات في ايدينه سبع لفات وام برقع وقعت في البير وصاحبها واحد خنزير والهون ضرب التلفون ,,, ثم ياتيك الزمن بالاتاري وركوب الطيارات بدل اللواري وتتنسي ركوب العجلة السداري ,,, وننسى هنالك بلد حنان أهلها ,,, ونسيب قطار الشوق يسافر يعجج محطات ,,, وقطار الهم يعسكر فيه عم الزين ,,,, وفي ود النيل ود سجمان تضيع طاقيتي في شباك القطر ,,, ورياح الهبباي ويصنقر المرفعين ,,, يتاوق مرة جاي ومرة بيجاي وحيد غريب في غربته ,,,, حيران ,,, يكفكف دمته ,,,,, وكل ما يتعب منه جناح يكسر ابوه وفي السرعة يزيـــد أديها جاااز شديد ,,, ولا يبالي من الريح العاتي ,,,, ويمر زمن وتمر رجال وانسى الكان ,,,, واقيف احدق بين الناس والدمعة تقلبني بين الاجفان ,,,, لا شوفتاُ تبل الشوق ,,,,, ولا ردا يطمئن ,,,, واشيل طمبوري واقعد هناك عند النيل وادوبي وحيد ,,, واقول يااا رمال حلتنا هوووي زول فقدنا وين طريقو ,,, وتجاوبني الامواج وصدي السنين الفات ,,,, في بلدكم يا زول بقيت وحيد ,,, بيقت مسافر وسفرك تب سفر هبيييل وعبيط ,,,,
واتلملم واجرجر كريعاتي وأشيل طمبوري ,,, وراسي كله هم وغم ,,,, وتجري الدمعة وعشان ما يعرفوا اهل الحلة اني بكيت ,,, الف فوق وشي العمة واتلثم ,,,,,, ,, وابكي على تهديم بنايا ,,,,, واعاين بيجاي ,,, وتاني بيجاي ,,, واشوف ليك جيل غريب وعجيب زول فوق الثلاثين ,,, يبكي ويقول ماما جرحني المنديل ,,,

أَه ,,, أَه .... أَه من زمني الخاااائن

الصفر البارد

المرجع الرابط
http://sudaneseoutline.com/out/showthread.php?t=1057

[/size]
[/size]

[/

[/size]

Admin عدد الرسائل : 53 تاريخ التسجيل : 03/04/2008

مرحب حبابك الصفر البارد ومرحب بي سودانيز اوتلاين ... شرفت المنتدى وفي انتظار مشاركاتك

مرحبا بك الصفر البارد قلما سنيناً في هذا المنتدى ... شرفتنا والله